Квалитетно, лесно и модерно, поефтино од традиционалната градба, како и подигнување на
вредноста и животниот комфорд се придобиките од користењето на нашите системи
Термо фасади
Фасадите можат да бидат изработени од два различни изолатерски материјали, и тоа
- Стиропол, со дебелина од 5, 8, 10, 12, 15 см и различна густина од минимум 10 кг/м3
до 30 кг/м3, и
- Камена волна со дебелина од 5, 8, 10, 12, 15 см и густина од минимум 100 кг/м3
Постапката за изработка при користење на стиропол или камена волна, редоследот е ист.
Завршниот декор од абрип може да се изработи по желба и во различни форми и бои.
Абрипот може да биде минерален и пластичен. Минералниот абрип е со помала отпорност и
трајност додека пластичниот абрип има подобри карактеристики и поголем век на издржливост.
Предноста кај пластичниот абрип е што може да се тонира секоја канта, и потоа секоја канта е со
иста нијанса додека минералниот абрип е со бела боја но по желба може да се фарба со фасаден
поликор во нијанса по желба, но тоа секако е дополнителна работа која што и дополнително се
наплатува и секогаш постои опасност да дојде до разлика во нијансата на бојата.
Кулирпласт е материјал кој се користи за места каде што има поголемо количество на вода
односно неговите карактеристики за отпорност на места каде што водата се задржува се поголеми
отколку кај абрипот. Истиот се карактеризира со различни декори и бои. Негова најчеста примена
е кај долните делови од фасадите (цокла) и оградите или на дел од фасадата како нејзин декор.
Молерисување и глетување
Секој дом е потребно на одреден временски интервал да се освежува односно да се дезинфицира
со тоа што ќе го молерисуваме. Квалитетниот избор на боја е клучен од тоа колку раце ќе се
нанесат, која ќе биде нивната дебелина и се разбира дали ќе ја постигнеме нијансата што сме ја
побарале.
При редовно молерисување често ни се јавува проблем а тоа е лупење на старата подлога. Таа
појава може да се појави од повеќе причини
- Нечиста подлога на која е извршено глетување и притоа не е употребено подлога
- Подолго време бојадисување на иста површина и веќе е формиран дебел слој на
поликолор кој што се одвојува од подлогата
- Протечена вода од оштетен кров кој ја оштетува подлогата која треба да ја молерисуваме
Од горе наведените проблеми со кој што сите сме се соочиле, подобро е секогаш навремено да
реагираме одколку подоцна да превенираме. Тоа значи дека секогаш кога сме во фаза за
глетување, површината која што треба да се глетува треба убаво да биде припремена. Добрата
припрема значи целата површина да биде добро исчистена, потоа истата да се премачка со подлога или У-врска и по нејзино сушење да прејдеме на глетување. Секогаш треба да се
придржуваме кон упатсвото за начинот на растварање, нанесување и период на сушење.
Глетувањето е постапка која ни овозможува да добиеме идеално мазна површина. Колку е
подобро изведена толку подобро можеме да го изработиме молерисувањето. Секогаш при
глетување треба да водиме рачун на дебелината која ја нанесуваме, колку е таа подебела толку
повеќе ја скратуваме можноста за долгорочно молерисување. Тоа значи дебела подлога на глет,
помалу раце на молерисување може да издржи.
Доколку имаме состојба на нерамна површина и имаме потреба да добиеме мазна подлога, наша
препорака е да се користи друг метод. Тој се состои од подготовка на површината со подлога или
У-врска, нанесување лепак, поставување мрежа (која се користи кај фасадите), нанесување втор
слој на лепак и глетување. Вака подготвена подлога може да издржи повеќе слојно односно
повеќе годишно молерисување и притоа да не дојде до лупење на слоевите.
Молерисувањето може да биде во различни нијанси на бои, може да се користат и акрилни бои.
Доколку имаме простории кои се користат за производство, истите може да бидат молерисани со
мрсна боја која во денешно време ја имаме во повеќе варијанти, и тоа на база на Уљен
разредувач или на база на вода.
